ጠ/ሚኒስትር ሀይለማርያም ደሳለኝ ከስልጣናቸው እንዲነሱ የእንግሊዝ የደህንነት ባለስልጣናት መጠየቃቸው ተሰማ

አባይ ሚዲያ ዜና
አክሊሉ ታደሰ

በቅርቡ ወደ ኢትዮጵያ የተጓዙት የእንግሊዝና የአሜሪካ የደህንነት ባለስልጣናት የልኡካን ቡድን በሀገሪቱ የተፈጠረው ያለመረጋጋት በአስቸኳይ መፍትሄ ካልተገኘለት ውሎ አድሮ የከፋ አደጋ እንደሚያስከትል ለኢትዮጵያው የብሄራዊ መረጃና ደህንነት ባለስልጣናት ማስጠንቀቃቸው ተሰማ፡፡

በተለይ የእንግሊዝ የደህንነት ባለስልጣናት ከአቶ ጌታቸው አሰፋ የብሄራዊ መረጃና ደህንነት ሀላፊ ጋር ባደረጉት ምክክር ሀገሪቱ የገባችበት ችግር ዋንኛው ምክንያት ጠንካራና ተጻእኖ ፈጣሪ ጠ/ሚኒስትር ማጣትና ጠ/ሚኒስትር ሀ/ማርያም የተፈጠረውን ሁኔታ መቆጣጠርም ሆነ በተለያዩ አካላት ላይ ተጽእኖ ፈጠሮ ሀገሪቱን መምራት የተሳናቸው እንደሆኑ ጠቁመዋል።

በምትካቸውም ጠንካራ የፖለቲካ መሪ መሆን የሚችል ሰው ማስቀመጥ አስፈላጊ መሆኑን  እንዲሁም የጠቅላይ ሚንስትር ቦታውን ከሳቸው የሚረከበው ሰው ከሌላ ብሄር እንዲሆን ከእንግሊዞቹ ጥያቄ ቀርቧል።

አቶ ጌታቸው በበኩላቸው በጉዳዩ ላይ እየሰሩበት ያለ ጉዳይ ስለመሆኑና ይልቁንም ለቦታው ያጩት ሰው ስለ መኖሩ፤ ያጩትንም ሰው ለረጅም ጊዜ የሚያውቋቸውና አብረውም የሰሩ መሆኑን ተናግረው የታጨውን ሰው ስምን ግን ከመግለጽ መቆጠባቸውን ያገኘነው ዜና ያስረዳል፡

ይህን ዜና በተመለከት ባለፈው ቅዳሜ በኢሳት የተላለፈው የጸጥታ ሀይሎችና ማህበረሰቡ ፕሮግራም  አቶ ጌታቸው ከእንግሊዝ የደህንነት ባለስልጣናት የቀረበላቸውን ጥያቄና እሳቸውም ያጩትን አዲሱ ጠ/ሚኒስትር ለስልጣን የማብቃት ስራን ተግባራዊ ለማድረግ ይቻላቸው ዘንድ ከእንግሊዝ የደህንነት ባለስልጣናት ጠንካራ ድጋፍ እንደሚሹ በዝርዝር አስደምጧል ።

የህወሀት ባለስልጣናትን እንዲሁም የጦር ጀነራሎችን በማግባባትና ለተግባራዊነቱ ተባባሪ እንዲሆኑ ለማድረግ የአሜሪካ መንግስት የማግባባቱንና የማደራደሩን ስራ እንድትሰራ እንግሊዝ ግፊት እንድታደርግ አቶ ጌታቸው አጠብቀው መጠየቃቸውን በፕሮግራሙ ተደምጧል። 

በህወሃት ድርጅት ውስጥ  ጠ/ሚኒስትር ሃይለማርያምን በመቀየሩ ሀሳብ ላይ ቢስማሙም በሚተካው ሰው ላይ እስካሁን  መስማማት ያለመቻላቸወም ታውቋል፡፡

Source Article from http://amharic.abbaymedia.com/archives/38602

  • Alem

    ወያኔ የሚያስወራው ወሬ ነው ብላችሁ እንኳ ትንሽ አለመጠርጠራችሁ ይገርማል!